2011 Rhif 1951(Cy.215 ) (C.70)

ADDYSG, CYMRU

Gorchymyn Mesur Addysg (Cymru) 2009 (Cychwyn Rhif 2) 2011

NODYN ESBONIADOL

(Nid yw’r nodyn hwn yn rhan o’r Gorchymyn)

Hwn yw’r ail orchymyn cychwyn a wneir gan Weinidogion Cymru o dan Fesur Addysg (Cymru) 2009 (“Mesur 2009”). Mae’r Gorchymyn yn dwyn i rym adrannau 21 a 22 o Fesur 2009 ar 1 Medi 2011.

Mae adran 21 o Fesur 2009 yn dileu’r cyfeiriadau at y cyfnod allweddol cyntaf o Ran 7 o Ddeddf Addysg 2002 ac mae hefyd yn rhoi cyfeiriadau at y “foundation phase” yn Rhan 7 o Ddeddf Addysg 2002 yn lle cyfeiriadau at y “foundation stage”.

Mae adran 22 o Fesur 2009 yn gwneud mân ddiwygiadau i adrannau 33F(1)(a) a 33N(1) o Ddeddf Dysgu a Sgiliau 2000.

 

NODYN YNGHYLCH GORCHMYNION CYCHWYN CYNHARACH

(Nid yw'r nodyn hwn yn rhan o'r Gorchymyn)

Mae’r ddarpariaeth ganlynol o Fesur Addysg (Cymru) 2009 wedi ei dwyn i rym gan orchymyn cychwyn a wnaed cyn dyddiad y Gorchymyn hwn:

 

Y ddarpariaeth	Y dyddiad cychwyn	O.S. Rhif
Adran 20	10 Mehefin 2011	2011/1468 (Cy.137)

 

2011 Rhif 1951(Cy.215 ) (C.70)

ADDYSG, CYMRU

Gorchymyn Mesur Addysg (Cymru) 2009 (Cychwyn Rhif 2) 2011

Gwnaed                           29 Gorffennaf 2011

Mae Gweinidogion Cymru, drwy arfer y pwerau a roddwyd iddynt gan adran 26 o Fesur Addysg (Cymru) 2009([1]), yn gwneud y Gorchymyn a ganlyn:

Enwi a dehongli

1.—(1) Enw'r Gorchymyn hwn yw Gorchymyn Mesur Addysg (Cymru) 2009 (Cychwyn Rhif 2) 2011. 

(2) Mae'r Gorchymyn hwn yn gymwys o ran Cymru.

(3)  Yn y Gorchymyn hwn—

ystyr “Mesur 2009” (“the 2009 Measure”) yw Mesur Addysg (Cymru) 2009.

Cychwyn

2. Mae adrannau 21 (Y cyfnod sylfaen) a 22 (Hawliau mewn perthynas â'r cwricwlwm lleol ar gyfer myfyrwyr 16 i 18 oed) o Fesur 2009 i ddod i rym ar 1 Medi 2011.

 

 

 

Leighton Andrews

Y Gweinidog Addysg a Sgiliau, un o Weinidogion Cymru

 

29 Gorffennaf 2011